17 June | Moqolotsi Oa Mosotho

Thaba-Tseka ke setereke se kahare ho maloti a Lesotho

Thaba-Tseka ke setereke se kahare ho maloti a Lesotho se ileng sa phatlalatsoa e le setereke ka selemo sa 1980. Ke setereke sa moraorao ho phatlalatsoa ele ho eketsa litereke tsa Lesotho ho isa ho tse leshome.

Mona ke toropo ea setereke sa Thaba-Tseka ‘me lebitso la teropo le lona ke Thaba-Tseka.

Thaba-Tseka, e le setereke, e bophara ba 4,270 ea sekoere sa likilomitara, kahar’a naha ea Lesotho e etsang 135,347 sekoere sa likilimotara.

Litoropo kapa metse e meholo ea Thaba-Tseka ke e kang: Mantsonyane, Mashai, Sehong-Hong le Lesobeng. Ke setereke se lutseng khubung ea Lesotho mme se arolelana meeli le litereke kaofela haese Mafeteng le Quthing. Ke sebaka se batang ho feta karhar’a naha ea Lesotho.

Lipakeng tsa motse-moholo Maseru le Thaba-Tseka ke likilomitara tse 170.1 tseo leeto la koloi le ka li nkang ka lihora tse tharo le metsotso e leshome (3hr 10 minutes), e leng leeto la hora le halofo feela ha ene ese ka lithaba le methipoloha. Empa leha hole joalo, tsela eona ke e majaba-jaba ea letsoana, haese feela lipakeng tsa metse e meholo kaha’ra setereke e kang bo Lesobeng moo ho senang litsela.

Sechaba sa Thaba-Tseka se iphelisa haholo ka temo; ea poone, koro, mabele le linaoa, har’a tse ling. Ntle le mona se phela ka liphoofolo, haholo linku le lipoli tsa farelane le seiboko.

Litaba Tse Ling

{{recommend}

Mapolesa a molato oa ho bolaea Nteso

- 10 December

{{recommend}

Bo-Metsing ba phephetsa matla a mochochisi e moholo

- 10 December

{{recommend}

Nyeoe ea sethunya khahlanong le maparamente ea chechisoa

- 14 December

{{recommend}

Likhohola li qobella Lesotho ho nyehlisa lipehelo tsa Corona

- 1 February