Moahloli Tšeliso Monaphathi

27 January | Moqolotsi Oa Mosotho

Nyeoe ea polao ea Bokong e’a chechisoa

MASERU - Baqosuoa nyeoeng ea polao e etsahetseng Bokong, Thaba-Tseka ka Puptjane selemong sa 2016 ba lebelletsoe ho tla araba litaba tsa bona ka pel’a Moahloli Tšeliso Monaphathi ka la 28 ’Mesa, selemong se holimo.

Ho mameloa ha nyeoe ena ho qalile ka Laboraro bekeng ena moo baqosuoa ba ileng ba balloa qoso, ’me ba supa ha ba se molato qosong eo ea khaolo ea 40 (1) ea Penal Code Act no 6 ea 2010 e baloa ’moho le khaolo ea 26 (1).  Bona ke Lebona Ralebona,  27, Mokoma Shampene, 28, Mariti Ralebona, 24, Pitso Ralebona, 24, Mokoto Shampene, 24, Malefetsane Ralebona, 27, le Lebona Ralebona, 24, kaofela ho tsoa Bokong.Ba qosoa ka ho khakhatha le ho bolaea Tumo Mohapi oa Ha Ntsukunyane, Bokong, selemong seo sa 2016.

 

Metro News Digital

Fumana Koranta Ea Hao Mahala

Ho ea ka lengolo la qoso, eka baqosuoa ka morero ba ile ba hlasela lehlasipa ka letsatsi leo la la robong Phuptjane, moo a neng a ntse a lisitse. Baqosuoa ba hlalosoa ba fihlile eka ba ntse ba batla ho batlisoa likhutšoane tsa bona tse nyametseng. Ke moo ho ileng ha qalella sepolo sa melamu le masoai ao baqosuoa ba neng ba ikatetse ka tsona. 


Eka leha ba shebelletseng ba leka ho kena lipakeng, bao ba ile ba ba tšosa ka hore ba se leke ho atamela ho bona, eseng joalo ba tla kenyelletsa thupeng. Ke moo ho hlalosoang hore baqosuoa ba ile ba hulela lehlatsipa thokoana ba itsoellapele ho mo bolaisa phafa.
Eka lehlasipa le ile la fumanoa ha morao ese e le maobane, eaba ho tlaleheloa sepolesa, se fumaneng setopo se ena le maqeba a mangata a ho otloa le metopa. Baqosuoa ba buelloa ke Akhente Molise Molise ha mofapahloho a emetsoe ke Akhente Lehlanako Mofilikoane. LeNA.

Litaba Tse Ling