Papatso

LNDC PRESS RELEASE ON INDUSTRIAL WAGE SUBSIDY PROGRAMME – SECOND DISBURSEMENT

Papatso

LNDC PRESS RELEASE ON INDUSTRIAL WAGE SUBSIDY PROGRAMME – SECOND DISBURSEMENT

Boemelo Ba Makoloi Ho E 'Ngoe Ea Literopo Tsa Lesotho

20 January | Moqolotsi Oa Mosotho

Mapolesa a bopelana le baqhobi Mafeteng

MAFETENG - Bo-ramakoloi a baeti ba mokhatlo oa Matholeng, Mafeteng, ba qoaketsane le sepolesa sa setereke sa mafeteng ho tsekoa tšebeliso ea seemelo sa makoloi a baeti teropong eo.

Tjamelanong ena e etsahetseng ka ’Mantaha bo-ramakoloi ba hlalositse ha hona le lintho tse ’maloa tse ba sitisang ho pheta mosebetsi oa bona ka bokhabane, tseo ba reng ke liqholotso mosebetsing oa bona. Tse ling tsa liqholotso tsena ke ho re mapolesa a phunya mabili a likoloi tsa bona.Le ha ho le joalo, lebitsong la sepolesa sa Mafeteng, Senior Inspector Motsamai Kholumo, o re ho ne ho e-so fihle tlhokomelong ea hae hore mapolesa a phunya le ho tabola mabili a makoloi a batho moo

. A re tsebong ea hae baqhobi ba makoloi ao, ba ne ba pakile makoloi a bona ka bohlasoa, ’me ke ha mapolesa a “tla ba thusa ho a hleka sebakeng seo ho ea ho se nepahetseng”.Senior Inspector Kholumo a re ba ikarabellang makoloing setereke ka bophara ba ile ba tsebisoa hore ho se ho sebelisoa sebaka se seng se secha ka thoko ho teropo, ’me moralo ona ke oa Tšitoe, 2018. Moemeli oa bo-ramakoloi ba Matholeng, Tšeliso Komane, eena o re mapolesa a ba qobella  ho tsoa ka hare ho teropo ho ea sebakeng seo ho se nang khoebo.


A re ba ne ba sebelisa setša sa mohoebi e mong ka hare ho naha, ’me eo o ne a sena bothata le tšebeliso ea sebaka seo, joale ba ipotsa hore na hobaneng mapolesa a ba tebela sebakeng se ikemetseng sa mong’a sona.

Monghali Komane o re mapolesa a ba kopile ho tloha sebakeng seo, kapa ba pake likoloi tsa bona malapeng a bona. A bontša ha ba fuoe liqeto feela nakong eo ba neng ba tšoere ’moka le ’musi oa setereke, ’me lehlakore la bona lona ha le’a mameloa.
A tsoelapele ho hlalosa hore ha ba sa lumelloa hohang ho kena ka hare ho toropo. A bontša ha hona le matšoao a seng molaong a ntseng a etsoa tseleng e lebang toropong, ’me sena se etsa hore e be tlolo ea molao ho se ikobele matšoao ao.

Metro News Digital

Fumana Koranta Ea Hao Mahala

O re ba boetse ba bolelloa hore li 4+1 li ngata, ’me ke tsona tse bakang tšubuhlellano ka hare ho teropo.  O re har’a mesebetsi eo ba e etsang e le bahoebi ba makoloi ke ho hlokomela bakuli le batho ba holileng ba sebelisang thepa ea bona, ’me ho tlosoa ka hare ho teropo ho ea setopong se secha ho bolela hore bao ba tla ba tlokotsing.


’Musi oa setereke, Monghali Ntsane Mathibeli, o re ha ba so thibele li 4+1 ho kena ka hare ho teropo, ba mpa ba li thibetse feela ho se fetele ka hare ho teropo ka mor’a hora ea borobong hoseng e le ho laola phallo ea sephethephethe.  A bontša hore ba fihletse tumellano le bo-ramakoloi hore ba ee setopong se secha empa bao ha ba batle ho etsa joalo.  Monghali Mathibeli o re se mo soabisitseng ke ha lipuisano li ntse li tsoelapele, eba o fumana taelo ea lekhotla ho tsoa ho bo-ramakoloi e neng e mo thibela ho kena lipakeng litabeng tsa li 4+1.   A qetella ka hore ho bile le letoto la lipuisano pele bao ba bolelloa ho ea setopong se secha.

Litaba Tse Ling