Makoloi a phesela mosali sa nta ea lekoko

LERIBE – Mosali o timetse Moqebelo oa phomolo ea Paseka ha a ne a ringoa ke makoloi a ’maloa, Maputsoe tseleng e lebang Hlotse. Ba boneng ha sena se etsahala ba re shoalaneng eo ea Moqebelo, mala a mofu a ne a hasane kahar’a tsela, ha hlooho ea hae e ne e ntse e kolokoteha kathoko ho tsela. “Koloi e qalileng ho thula mofu ho bonahala e sa ka ea emisa kamor’a ho mo otla. Baqhobi ba makoloi a mang a tlileng kamorao ha ba ka ba hlokomela hore hona le motho ea rapalletseng ka tseleng, eaba makoloi a bona a ntse a mo rinya ho fihlela hlooho e arohana le setopo,” ho hlalosa Mpho Kolisane oa hona Maputsoe. Mofu ea tsebiloeng e le motho oa Korosong, Ha Nyenye, Maputsoe o hlalosoa a ne a ea monateng oa bosiu Santamonika, joale a tsamaea a le moo har’a lefifi. E mong oa ba ileng ba phallela mokhosing, empa a sa rata ha lebitso la hae le phatlalatsoa o itse mofu o ne a apere liphahlo tse lefifi joale a tsamaea lefifing ke ka hona baqhobi ba sitiloeng ho mo hlokomela. Haele bosiung ba Labone teng monna oa Popopo eo leselinyane la Mosotho le nang le lebitso la hae le eena o ile a timela kamor’a ho thuloa ke tekesi ea Toyota Quantum, nakong eo a neng a ts’ela ’mila. Har’a likotsi tse ling tsa beke e fetileng ho kenyeletsa eo koloi ea Sepolesa sa Matelile e tlalehoang e thutse le ho bolaea khomo. Likotsi tsena li etsahetse leha molaoli oa sepolesa Holomo Molibeli a ile a etsa molaetsa pejana ho Paseka ho eletsa baqhobi le litaaso ho ela hloko ha ba sebelisa litsela nakong ea phomolo.

Taba tse ling

  • None

    Rapolasi o bolaea molisana

    BUTHA-BUTHE – Molisana oa Ha Phakoe o ile a timela hang kamor’a hore a thunngoe… READ MORE
  • None

    Mokhatlo o aha batšoaruoa ba mehleng

    Mokhatlo oa Lesotho oa batšoaruoa ba mehleng  (Crime Prevention Rehabilitation … READ MORE
  • None

    Koatsi ea liphoofolo e bolaisa Basotho tlala

    MASERU – Seoa sa koatsi ea liphoofolo se se se bolaile likhomo tse ka bang 20 H… READ MORE

Title

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.