Papatso

LNDC PRESS RELEASE ON INDUSTRIAL WAGE SUBSIDY PROGRAMME – SECOND DISBURSEMENT

Papatso

LNDC PRESS RELEASE ON INDUSTRIAL WAGE SUBSIDY PROGRAMME – SECOND DISBURSEMENT

20 January | Baqolotsi Ba Mosotho

Liabiloe o batloa ka lintja le likatse

MASERU - Sepolesa sa Lesotho se entse phatlalatso moo mohats’a Tona-kholo Motsoahae Thabane a batloang e le ’melaelloa nyeoeng ea polao.

Phatlalatsong eo mohats’a tona-kholo a hlalositsoeng ka mabitso oohle a hae – ’Maesaiah Liabiloe Adolphina Ramoholi Thabane – eo ho boleloang e le moahi oa Mokhotlong le Makhoakhoeng Ha Abia, Maseru, e re motho mang kapa ea ka ’mo bonang le ho tseba moo a teng, a letsetse le ho tsebisa sepolesa se haufi.  Ho bile ha thathamisoa linomoro tsa mohala tse leshongoana moo menyenyetsi e ka lebisoang teng.


Phatlalatso ena e tla kamor’a hore nyeoe eo eena ’M’e ’Maesaiah a phephetsang ho tšoaroa ha hae le ho bitsetsoa lipotsong tsa sepolesa ho ke ho behelloe ka thoko, e chechisetsoe bekeng e tlang ka Labobeli ka lekhotleng le phahameng. Moahloli ea mametseng nyeoe, eleng Moahloli Tšeliso Monaphathi o ile a supa ha ho ena le litaba tse ling tse hlokolosi le lietsahala tse ntseng li tsoelapele hore ebe nyeoe e ka komeloa. Pejana Moahloli Monaphathi o ne a ile a botsa hore na ebe ke eng e ka kholisang lekhotla hore molli o ntse a le teng ka hare ho naha, e se be joale ho tla sekoa-sekoa litaba tsa motho ea seng a balehile ho phethahatsoa ha toka holima hae.

 

Metro News Digital

Fumana Koranta Ea Hao Mahala

Sepolesa se ile sa lokolleloa lihanaboi kamor’a hore ’M’e ’Maesaiah a hlolehe ho iponahatsa lipotsong mafelo a beke e fetileng.
Leha a e-so fuoe qoso ka kotloloho, o belaelloa tlolong ea molao ea polao ea motho moo mohats’a tona-kholo oa pejana, ’M’e Lipolelo Thabane, a ileng a thunngoa le ho bolaoa matsatsi a mabeli pele ho tlhomamiso ea Tona-kholo Thabane selemong sa 2017.
Pelaelo ke hore ’Maesaiah o balehetse naheng ea Afrika Boroa ha menyenyetsi e meng e supa ha a ntse a leka ho kopa botšabeli linaheng tse kang bo-Morocco

Litaba Tse Ling