Papatso

LNDC PRESS RELEASE ON INDUSTRIAL WAGE SUBSIDY PROGRAMME – SECOND DISBURSEMENT

Papatso

LNDC PRESS RELEASE ON INDUSTRIAL WAGE SUBSIDY PROGRAMME – SECOND DISBURSEMENT

Mokoetlis Ea Nyaotsoeng Oa Bahlabani, Halemakale Mahlaha

20 January | Mosotho/Lena

LeFA e ntse e behile letsoho phatleng

MASERU - Mokhatlo o tsamaisang papali ea bolo Lesotho (LeFA) o bonahala o nka nako ea oona pele o ka tlatsa likheo tsa bakoetlisi ba ileng ba lelekoa, e le oa Bahlabani Halemakale Mahlaha le oa Mokoanyane XI, Atang Bob Mafoso.

Bobeli bakoetlisi ba na ba ile ba hatisoa kosene mafelong a selemo se sa tsoa feta le maqalo a sena ka tatellano ke oona mokhatlo ka le reng tšebetsong ea bona e mangoeleng, ’me ba hloloa ho isa lihlopha tsa bona moo mokhatlo o batlang teng.  Puisanong e khutšoanyane, raliphatlalatso oa mokhatlo, Mikia Kalati o boletse hore LeFA e nka nako ea eona ho etsa qeto, ’me ha e ea tatela ho tlatsa likheo tseo.  Kalati a re mokhatlo o ikemiselitse ho etsa matsapa ohle ho etsa khetho e tla ba tsoela molemo kaha ho hlokahala batho ba tla atleha ho phetha maano a mokhatlo.


O hlalositse hore bakoetlisi ba boletsoeng pejana ba lelekiloe ka lebaka la tšebetso e nyotobetsang mehopeng ea COSAFA e neng e tšoaretsoe Malawi le Zambia ka tatellano moo Bahlabani le Mokoanyane XI li ileng tsa tsoa mekhahlelong ea pele ea litlholisano.
Kalati o re monongoaha, lihlopha ka bobeli li tla bapala litlholisanong tsa machabeng le tsa tikoloho, ’me mokhatlo o hloka ho netefatsa hore ba hloaea bakoetlisi ba hloahloa bakeng sa lihlopha ka bobeli. Leha ho le joalo, ha a qhelela ka thoko menyetla ea ho batla bakoetlisi ba ka nako tsohle ba tla beng ba sa etse mosebetsi lihlopheng tse ling tse itseng. 

 

Metro News Digital

Fumana Koranta Ea Hao Mahala

A re ka chebo, Bahlabani le Makoanyane XI li bapetse hantle tsa ba tsa phunyeletsa makhaola-khang a COSAFA tsamaisong ea Seephephe Matete le Leslie Notsi hoba e ne e le bakoetlisi ba ka nako tsohle. Kalati o lumela hore liki ea bahlankana ba ka tlaase ho lilemo tse leshome le metso e mehlano (Under-15) e kentsoeng tšebetsong ngoahola, e tla thusa Bahlabani le Makoanyane XI haholo ka ho ba hlahisetsa libapali tseng ntse li tla li thuthuha. Ena ke liki ea pele kahar’a naha eaba ka tlas’a lilemo tse 15 e reretsoe feela libapali tse hlahile kamorao ho la 1 Pherekhong, 2005. 


Libapali tse hloauoeng ho ba karolo ea liki ena li lebelletsoe ho hlahisa mangolo a tsona a molao a tsoalo kapa litokomane tsa tsona tsa boitsebiso kapa libukana tsa tsona tsa ho eta. Liki ena e thakhotsoe ka molao ka la 20 Mphalane selemong se fetileng, ’me tebello ke hore moifo oa mokhatlo o moholo oa lefatše o tsamaisang papali ea bolo (FIFA) o tla etela koano Lesotho hamorao selemong sena ho beha morero ona leihlo. Mahlaha o ne a kopanetse Bahlabani le FC Likhopo ha Mafoso eena e ne a pana Makoanyane XI le Bantu FC ka nako e le ’ngoe.

Litaba Tse Ling