Litaba|June 17, 2019 2:06 pm

Mosali o ringoa ke koloi robotong

KABELO MASOABI

MASERU – Sepolesa se ntse se fuputsa nyeoe eo ho eona mosali ea sebetsang lifemeng ka Seteisheneng a thutsoeng le ho bolaoa ke koloi haufi le liroboto tsa Ha Mots’oeng, Lithabaneng.

Ho ea ka phala ea sepolesa Superintendent Mpiti Mopeli, mofu ke moahi oa Likolobeng, Ha Mokonyane.

Pelaelo ea mapomela ke hore mofu o thutsoe ke koloi e neng e qeta ho ja lets’oao la tsela, ’me e khannoa ka lebelo le phahameng.

“Mofu o ile a potlakisetsoa Sepetlele Queen II empa ho fihleng hoa hae moo a hlalosoa ke ngaka a se a felletsoe ke bophelo,” ke Mopeli eo.

O bile a ipiletsa ho baqhobi kaofela ho qoba ho khanna ba le tlas’a ts’usumetso ea tai le ho se penye mehala ea thekeng nakong eo ba qhobang kaha tsena ke tse ling tsa lisosa tsa likotsi ka mebileng.

  • Share this post:
  • Facebook
  • Twitter
  • Delicious
  • Digg