Litaba|October 22, 2018 5:49 am

O seboko ka mafosisa a jaloang ka marang-rang

Ka Lerato Buthelezi

MASERU – Raliphatlatso oa ‘Muso, Monghali Nthakeng Selinyane, o seboko ka litaba tse ntseng li potoloha marang rang tse bolelang hore bahlanka ba sechaba ha ba etlo lefshoa meputso ea bona mafelong a khoeli ea Mphalane ka nako, ‘me ho ka nna ha etsahala litefo li chechisetsoe hoe a ka nq’ane ho bo li 20 le ka li 25 joaloka tloaelo.

Sephephechana sena se ntseng se matha marang-rang se ne se bontša ha khoeli ena ea Mphalane batho ba tlo lieha ho lefuoa meputso ho latela tlhoekiso e ntseng e etsoa makaleng ka bo mong.

Nthakeng a re Ofisi ea ‘Muso e etse hloko mafosisa a boiqapelo a ntseng a tsamaisoa ka marang rang ke batho ba ikhakantseng. A re se setseng e le taba ke hore ofisi ea Mongoli e moholo oa Lekala la lichelete, pejana ene e hlokomelise Bangoli ba baholo bohle hore ba hloekise marang rang a makala a ‘Muso ho latela litefo le pokello ea lichelete, mechining e fetisang lichelete ha li tloha sesiung sa ‘muso, ho ea makaleng sebakeng sa kotara e qalileng khoeling ea Mphalane.

“Ha hona moo taba ena e neng e amana ka kotloloho le meputso ea bahlanka, ‘me kamor’a keletso le tlhokomeliso eo, makala a se a finyellelitse tsohle tse hlokahalang, ‘me ha ho tšitiso efe kapa efe e lebelletsoeng tefong ea bahlanka ka nako le ho fumana meputso ea bona,” a hlalosa joalo Selinyane.

  • Share this post:
  • Facebook
  • Twitter
  • Delicious
  • Digg