Litaba|October 22, 2018 5:17 am

Moshoeshoe o batla ho ea bona ngaka

Ka Lerato Buthelezi

MASERU – Ranku li kae, Khotsang Moshoeshoe, o kentse kopo ka Lekhotleng le Phahameng, hore a lokolloe hore a tsebe ho ea Afrika Boroa ho ea bona ngaka ea hae ea litsebo, kaha bophelo ba hae bo ntse bo se botle.

Moshoeshoe o ntse a le sepetlele Mokhotlong ka tlaasa bolisa ba sepolesa. Moshoeshoe o supa hore ho fihlela hona joale ha hona qoso eo a seng a e etselitsoe esale a tšoaroa ‘me sena ke tlolo ea molao.

A re ho tšoaroa hoa hae ke hobane ane a eme ka maoto ho bona hore o soaea ‘muso mohlare moo ho bonahalang o le lebatha.

Khotsang Moshoeshoe oa sekiri sa Thabang Mokhotlong litaba tsa hae li ile tsa nka mothinya o sele nakong eo ho bonahalang ba iphapanyetsa taelo ea ‘muso hore boea ba lihoai bo se hlole bo ea mabopong bo isoe Thaba Bosiu, empa eena le ba habo ba ile ba tsitlallela hore boea ba bona bo tla ea moo ba batlang, e seng lechaeneng joalokaha ho hlalosoa.

Litaba tsena li bile tsa etsa hore hobe le mokoloko oo ka bona bo-ramehlape, ba neng ba kopa hore Tona Kholo Dr Thabane a mpe a kene lipakeng, empa sello sa  bona ha se eaka sa hlomola phakoe.

Litaba tsena li bile tsa fihla moo a ileng a qoaketsana ka mantsoe le Letona la Likhoebo Tefo Mapesela nakong eo a neng a koala likiri Mokhotlong, moo Moshoeshoe a bileng a mojoetsa hore ke Moshanyana.

  • Share this post:
  • Facebook
  • Twitter
  • Delicious
  • Digg