Lipolotiki, Litaba|March 5, 2014 8:59 am

Metsing o emela bao e seng ma-LCD

on_Metsing

Ka Lieketseng Maphathe

MASERU – Moeta-pele oa LCD Mothetjoa Metsing o hanane le taba ea hore ho na le ba bang ba basebetsi ba Lekala la Puso ea Libaka ba belaelang ba ngoletsoe mangolo a ba susumetsang ho itokolla kaha e se litho tsa LCD.
Metsing o supile hore ha ho mosebetsi oa lekhotla lefe kapa lefe la puso ea libaka ea kileng a beha tletlebo ea hae lekaleng la habo a belaela hore o ngoletsoe lengolo le mo susumeletsang ho itokolla lekhotleng la puso ea libaka kaha e se setho sa (LCD), ’me lengolo le joalo le ngotsoe ke LCD.
O boletse hape hore bakhethoa ba makhotla a puso ea libaka ba kopanngoa le Lekala la Puso ea Libaka ke mesebetsi le maikarabello a bona tšebetsong ho latela Molao oa Puso ea Libaka oa 1997 joalokaha o hlomathisitsoe esitana le melaoana ea oona ea 2005 e ba tataisang litabeng tsa boitšoaro.
A re ha e le moo makhotla a bona a lipolotiki a ba laelang ho etsa kapa ho se etse ho itseng ha ho moo Lekala la Puso ea Libaka le tlamehang ka molao ho kena lipakeng.
Metsing o arabile litaba tsena ho latela potso ea mokhethoa oa lebatooa la Qeme # 43 Monghali Kali Seitlheko ea botsitseng hore na letona le hlokometse hore ho na le basebetsi ba bang ba LCD ba ngoletsoeng mangolo a ba susumetsang ho itokolla Lekhotleng la Puso ea Libaka kaha e se litho tsa LCD

  • Share this post:
  • Facebook
  • Twitter
  • Delicious
  • Digg